يا سلام على الباب ده

هنا هاكلمكم على توته

أحلى حاجه خلقها ربنا

هافضل أحكيلكوا عنها و أشوقكم ليها

لحد مايبان لكوا اصحاب

يوم بيوم أنا بدون و يوم بيوم توته بتكبر

يعنى الحكايات مش هاتخلص

و ده اللى بيدينى أمل إن المدونه دى هاتستمر

لحد ما أبطل إحب توته

( و ده طبعاً مستحيل )

كمان هاكلمكم عن بيتى ـــ أسرتى الصغيره

اللى هيا أنا و توته و أم توته

على فكره - توته ده هو الإسم الحركى (  لتسبيح )

هاحكيلكوا أنا ازاى اتجوزت أم توته وعرفتها إزاى ( جوازه إخوانيه )

و هاصورلكم فلاش باك من كل المحن و البلاوى اللى شفناها مع بعض

4 سنين صراع

مع المرض و الظروف و المشاكل الماديه

و المشاريع اللى تتبنى و تكبر و تنفض

و الأحلام اللى تتبنى و تكبر و تنهد

يا ا ا ا ا ا ا ا اه

أربع سنين كأنهم أربعيييين سنه  أحلى أربعين سنه شقا فى حياتى

أحداث شبه خياليه

و مواقف متنقيه مخصوص  من الحاجات اللى تنفع فيلم سينما

مش لأنها محصلتش لحد قبل كده

لا  . . لأنها حصلت لكل الناس قبل كده

سلام

حااااضر     هاسلملكوا على توته